Bakıda Zərifə Əliyeva adına orta ümumtəhsil məktəbində qılıncoynatma bölməsi açılıb. Bu haqda apasport.az saytına Azərbaycan Qılıncoynatma Federasiyasının (AQF) baş katibi Ramin Məmmədov məlumat verib.

Bununla bağlı sözügedən məktəbdə keçirilən tədbirə Ramin Məmmədovla yanaşı, yığmanın baş məşqçisi Tahir Həkimov, sablya və şpaqa üzrə milli komandanın üzvləri Sabina Mikina, Aida Ələsgərova, Ramin Əmirov, Cəlil Əsgərov, Tehran Rəsulov, Vəkil Namazov, Ella Xudaverdiyeva və Nigar Abbasova da qatılıblar.

AQF rəsmiləri şagirdlərə qılıncoynatma haqda məlumat verib, ölkəmizdə bu idman növünün tarixi və əldə olunan nailiyyətlərdən danışıblar. Yığma üzvləri isə master-klass göstəriblər. Onlar nümunəvi çıxışla şagirdlərdə qılıncoynatmaya qarşı maraq yaratmağa çalışıblar.

• Azərbaycan velosipedçiləri təlim-məşq toplanışı üçün Türkiyəyə yollanıblar
• Türkiyə millisinin baş məşqçisi Bakıda təlim keçəcək
• Qılıncoynadanlarımız Türkiyədə iki bürünc medal qazanıblar
• Azərbaycan fiqurlu konkisürənləri Bolqarıstanda bürünc medal qazanıblar
• “Azerbaijan Open” beynəlxalq dağ xizəyi turnirinə yekun vurulub - FOTO