Qadın otüstü hokkeyçilərdən ibarət Azərbaycan yığmasının baş məşqçi postuna daha bir namizəd var. Azərbaycan Otüstü Hokkey Federasiyasının (AzHF) mətbuat katibi Yaqub Nuriyevin apasport.az saytına verdiyi məlumata görə, yığmamız koreyalı məşqçiyə tapşırıla bilər. Adı açıqlanmayan bu çalışdırıcının milli komandamızda işləyib-işləməyəcəyi federasiya rəhbərliyi ilə danışıqlardan sonra müəyyənləşəcək.

Xatırladaq ki, AzHF rəsmiləri artıq yarım ildir yığmamızın pakistanlı baş məşqçisi Tahir Zamana əvəz axtarırlar. Öncə argentinalı Serxio Vixil, daha sonra ispaniyalı Xose Baraxa Bakıya təşrif buyurub. Lakin onlar müxtəlif səbəblərdən milli komandamızda çalışmağa razılaşmayıblar.

• Azərbaycan velosipedçiləri təlim-məşq toplanışı üçün Türkiyəyə yollanıblar
• Türkiyə millisinin baş məşqçisi Bakıda təlim keçəcək
• Qılıncoynadanlarımız Türkiyədə iki bürünc medal qazanıblar
• Azərbaycan fiqurlu konkisürənləri Bolqarıstanda bürünc medal qazanıblar
• “Azerbaijan Open” beynəlxalq dağ xizəyi turnirinə yekun vurulub - FOTO