İspaniyada keçirilən “Linares” superturnirində IX turun oyunları keçirilib. Apasport.az saytının məlumatına görə, hesabat turunda Azərbaycan şahmatçısı Teymur Rəcəbov yenə qələbə qazanmağı bacarmayıb. Həmyerlimiz Ukrayna təmsilçisi Vasili İvançukla görüşdə aktivinə yarım xal əlavə edib.

Bu, Rəcəbovun yarışdakı 7-ci bərabərliyi olub. Hazırda 22 yaşlı şahmatçımız 3,5 xalla sonuncu, 8-ci pillədədir. O, bu gün X tur çərçivəsində ağ fiqurlarla ermənistanlı Levon Aronyana qarşı mübarizə aparacaq. Tərəflər arasında ilk dövrədə keçirilmiş görüş heç-heçə nəticələnib.

Mükafat fondu 314 min avro olan yarış 14 turdan ibarətdir. Superturnirə martın 7-də yekun vurulacaq.

IX turun nəticələri:

Vasili İvançuk (Ukrayna, 2779) - Teymur Rəcəbov (Azərbaycan, 2761) - 0,5:0,5
Van Yue (Çin, 2739) - Aleksandr Qrişuk (Rusiya, 2733) - 0,5:0,5
Levon Aronyan (Ermənistan, 2750) - Vişvanatan Anand (Hindistan, 2791) - 0,5:0,5
Lenyer Dominges (Kuba, 2717) - Maqnus Karlsen (Norveç, 2776) - 0:1

Turnir cədvəli: 1.Qrişuk 6 xal; 2. İvançuk 5; 3.Aronyan 5; 4.Karlsen 5; 5.Anand 4,5; 6.Dominges 3,5; 7.Yue 3,5: 8.Rəcəbov 3,5

• Azərbaycan velosipedçiləri təlim-məşq toplanışı üçün Türkiyəyə yollanıblar
• Türkiyə millisinin baş məşqçisi Bakıda təlim keçəcək
• Qılıncoynadanlarımız Türkiyədə iki bürünc medal qazanıblar
• Azərbaycan fiqurlu konkisürənləri Bolqarıstanda bürünc medal qazanıblar
• “Azerbaijan Open” beynəlxalq dağ xizəyi turnirinə yekun vurulub - FOTO