Macarıstanın paytaxtı Budapeştdə bədii gimnastika üzrə keçirilən beynəlxalq turnir, eləcə də Dünya Kuboku yarışlarına yekun vurulub. Apasport.az saytının məlumatına görə, beynəlxalq turnirdə mübarizə aparmış qrup hərəkətləri üzrə Azərbaycan milli komandası dördüncü yeri tutub.

Dünya Kubokunda da həmyerlilərimiz medalsız qalıblar. Anna Qurbanova ip, top və lentlə hərəkətlərdə 5-ci, halqa ilə yarışların yekunlarına görə isə 6-cı sırada qərarlaşıb. Bundan başqa, Zeynəb Cavadlı lentlə hərəkətlərdə 8-ci yerlə kifayətlənib.

Bu yarışı Azərbaycanın Macarıstandakı səfirliyinin əməkdaşları, həmçinin orada yaşayan soydaşlarımız da izləyiblər. Dünya Kubokundan sonra ölkəmizin Macarıstandakı səfiri Həsən Həsənov gimnastlarla görüşüb və onlara qarşıdakı turnirlərdə uğurlar arzulayıb.

Mənbə: AzərTac

• “İronman 70.3 Baku” öncəsi “İronkids” və “Fun Run” keçirilib
• “IRONMAN” Azərbaycanda: 10 il əvvəl başlayan yolun tarixi startı
• Dünya Kubokunun Yerli Təşkilat Komitəsinin növbəti iclası keçirilib
• Kembric Universitetinin ekspertləri Azərbaycan İdman Akademiyasında təlimlər keçirəcəklər
• “IRONMAN 70.3”: Bakının bəzi yollarında nəqliyyatın hərəkəti tənzimlənəcək