Azərbaycan ağırlıqqaldıranı Zülfüqar Süleymanov Rumıniyanın paytaxtı Buxarestdə keçirilən Avropa çempionatında uğur qazanıb. Apasport.az saytının məlumatına görə, 62 kq çəki dərəcəsində mübarizə aparan 27 yaşlı həmyerlimiz gümüş medala layiq görülüb.

O, birdən qaldırmada 125 kq, təkanla isə 160 kq-ın öhdəsindən gəlib. Yekunda Zülfüqar 285 kq-lıq göstərici ilə ikinci yeri tutub. O, yalnız türkiyəli Erol Bilgindən (293 kq) geri qalıb.

Qeyd edək ki, Süleymanov qitə birinciliyində mübarizəyə qoşulan ilk atletimiz idi. Bu gün Əfqan Bayramov və Sərdar Həsənov (hər ikisi 69 kq) qüvvələrini sınayacaqlar. Namiq Cəmilov (77 kq) sabah, İntiqam Zairov (85 kq) aprelin 9-da, Rövşən Fətullayevla Əlibəy Səmədov (hər ikisi 94 kq) isə aprelin 10-da çıxış edəcəklər.

• Azərbaycan velosipedçiləri təlim-məşq toplanışı üçün Türkiyəyə yollanıblar
• Türkiyə millisinin baş məşqçisi Bakıda təlim keçəcək
• Qılıncoynadanlarımız Türkiyədə iki bürünc medal qazanıblar
• Azərbaycan fiqurlu konkisürənləri Bolqarıstanda bürünc medal qazanıblar
• “Azerbaijan Open” beynəlxalq dağ xizəyi turnirinə yekun vurulub - FOTO