Rusiyanın Nalçik şəhərində təşkil olunan şahmat üzrə Qran-Prinin 4-cü mərhələsi çərçivəsində II tur keçirilir. Apasport.az saytının məlumatına görə, bu turda taxta arxasından ən tez duranlardan biri Azərbaycan şahmatçısı Şəhriyar Məmmədyarov (2725) olub.

24 yaşlı beynəlxalq qrossmeysterimizin macarıstanlı Peter Leko (2751) ilə görüşü digər oyunların hamısından əvvəl yekunlaşıb. Qara fiqurlarla oynayan Şəhriyar reytinqdə özündən yüksəkdə qərarlaşan rəqibindən yarım xal qoparıb. Tərəflər 24-cü gedişdə “sülh” bağlayıblar.

Bu, təmsilçimizin turnirdə ilk xalı olub. Məmmədyarov birinci görüşdə Levon Aronyana (Ermənistan, 2754) uduzmuşdu. Sabah III turda Şəhriyar ABŞ şahmatçısı Qata Kamskini sınağa çəkəcək.

Xatırladaq ki, 14 zəka sahibinin bir dövrəli sistem üzrə mübarizə apardığı yarış aprelin 29-dək davam edəcək.

• “İronman 70.3 Baku” öncəsi “İronkids” və “Fun Run” keçirilib
• “IRONMAN” Azərbaycanda: 10 il əvvəl başlayan yolun tarixi startı
• Dünya Kubokunun Yerli Təşkilat Komitəsinin növbəti iclası keçirilib
• Kembric Universitetinin ekspertləri Azərbaycan İdman Akademiyasında təlimlər keçirəcəklər
• “IRONMAN 70.3”: Bakının bəzi yollarında nəqliyyatın hərəkəti tənzimlənəcək