Şahmat üzrə dünya çempionu Vişvanatan Anandın Bakıya səfəri təxirə düşüb. Apasport.az saytının məlumatına görə, mayın 5-dən 6-na keçən gecə, saat 03:30-da paytaxtımıza gəlməli olan hindistanlı idmançı nəzərdə tutulan vaxtdan 1 sutka sonra burada olacaq. Onu Bakıya gətirəcək reys qeyri-müəyyən səbəbdən təxirə salınıb.

Beləliklə, “Hind pələngi”ni bu gecə ölkəmizdə görmək mümkün olacaq. Sabah mərhum prezident Heydər Əliyevin xatirəsinə həsr olunmuş “Prezident kuboku”nda mübarizə aparacaq Anand Bakıya həyat yoldaşı ilə birgə gələcək. İspaniyada yaşayan dünya çempionu paytaxtımıza Çilidən uçacaq.

“Prezident kuboku”nun digər əcnəbi iştirakçıları - Vladimir Kramnik (Rusiya) və Sergey Karyakin (Ukrayna) artıq Bakıdadır. İspaniyalı Aleksey Şirov isə günorta gələcək. Üçgünlük turnirdə Azərbaycan şahmatçılarından Teymur Rəcəbov, Şəhriyar Məmmədyarov, Vüqar Həşimov, Qədir Hüseynov və Rauf Məmmədov oynayacaq.

• “İronman 70.3 Baku” öncəsi “İronkids” və “Fun Run” keçirilib
• “IRONMAN” Azərbaycanda: 10 il əvvəl başlayan yolun tarixi startı
• Dünya Kubokunun Yerli Təşkilat Komitəsinin növbəti iclası keçirilib
• Kembric Universitetinin ekspertləri Azərbaycan İdman Akademiyasında təlimlər keçirəcəklər
• “IRONMAN 70.3”: Bakının bəzi yollarında nəqliyyatın hərəkəti tənzimlənəcək