Azərbaycan boks yığması Polşada keçirilən beynəlxalq turnirə uğurla başlayıblar. Apasport.az saytının məlumatına görə, yarışın startında 2 idmançımız qələbə qazanıb. Bunlar Elvin Əliyev (60 kq) və Emil Əhmədovdur (69 kq).

Belə ki, Elvin birinci döyüşdə polşalı Devid Soçkonu 11:2 hesablı ilə üstələyib. Emil isə Dumitru Sareyevi (Moldova) daha asanlıqla məğlub edib - 9:0.

Digər boksçularımız - Elvin Məmişzadə (48 kq), Nihad Seyidov (51 kq), Fərid Mansurov (54 kq), Heybətulla Hacıəliyev (60 kq), Sərvan Əliyev (64 kq), Murad Ağamalıyev (69 kq), Tərlan Abdullayev (81 kq), Vətən Hüseynli (91 kq) və Fərid Paşayev (+91 kq) hələ rinqə çıxmayıblar. Turnir mayın 10-da yekunlaşacaq.

• Azərbaycan velosipedçiləri təlim-məşq toplanışı üçün Türkiyəyə yollanıblar
• Türkiyə millisinin baş məşqçisi Bakıda təlim keçəcək
• Qılıncoynadanlarımız Türkiyədə iki bürünc medal qazanıblar
• Azərbaycan fiqurlu konkisürənləri Bolqarıstanda bürünc medal qazanıblar
• “Azerbaijan Open” beynəlxalq dağ xizəyi turnirinə yekun vurulub - FOTO