“İdmançı ilə müqayisədə baş məşqçi kimi yarışa çıxmaq daha çətindir. Çünki idmançı həyəcanı bir dəfə yaşayır. Baş məşqçi isə hər bir yetirməsinin məsuliyyətini daşıyır”. Bu sözləri apasport.az saytına açıqlamasında Azərbaycanın yeniyetmələrdən ibarət ağır atletika üzrə milli komandasının baş məşqçisi Nizami Paşayev deyib.

Ölkəmizin ən titullu ağırlıqqaldıranı, ikiqat dünya çempionu olan Paşayev baş məşqçi qismində ötən həftə Tailandın Çanq May şəhərində keçirilmiş dünya çempionatında debüt edib. Onun yetirmələrindən biri Nailxan Nəbiyev (77 kq) yarışda bürünc medal qazanıb. Yığmamız isə komanda hesabında 64 kollektiv arasında 10-cu yeri tutub.

Nizami Paşayev yaradılan şəraitə görə müvafiq qurumlara minnətdarlığını bildirib: “Fürsətdən istifadə edib, Milli Olimpiya Komitəsinin, Gənclər və İdman Nazirliyinin, eləcə də Ağır Atletika Federasiyasının rəhbərliyinə təşəkkürümü çatdırıram”.

Qeyd edək ki, dünya çempionatı 2010-cu ildə Sinqapurda keçiriləcək Yeniyetmələrin I Yay Olimpiya Oyunlarına lisenziya xarakteri daşıyırdı. Bu olimpiadaya 1 ağırlıqqaldıranımız lisenziya qazanıb.

• “İronman 70.3 Baku” öncəsi “İronkids” və “Fun Run” keçirilib
• “IRONMAN” Azərbaycanda: 10 il əvvəl başlayan yolun tarixi startı
• Dünya Kubokunun Yerli Təşkilat Komitəsinin növbəti iclası keçirilib
• Kembric Universitetinin ekspertləri Azərbaycan İdman Akademiyasında təlimlər keçirəcəklər
• “IRONMAN 70.3”: Bakının bəzi yollarında nəqliyyatın hərəkəti tənzimlənəcək