“Yığmanın baş məşqçisi postuna kimin təyin olunması məsələsini ölkənin idman rəhbərliyi həll edir”. Apasport.az saytının məlumatına görə, bu sözləri Azərbaycan ağırlıqqaldırma yığmasının baş məşqçisi Vahid Nəzərov deyib.

Azərbaycan Ağır Atletika Federasiyasının rəsmiləri milli komandanın baş məşqçisi postuna Bolqarıstandan mütəxəssis dəvət etsələr də, Nəzərov mümkün dəyişiklikdən xəbərsiz olduğunu vurğulayıb: “Öz vəzifəmdə mən hər şey etmişəm. Məsələn, son Avropa çempionatında komanda hesabında 3-cü yeri tutmuşuq. Yox, əgər rəhbərlik dəyişikliyin zərurət olduğunu hesab edirsə, deməli, onların əsası var”.

Qeyd edək ki, Bakıya bolqarıstanlı çalışdırıcı dəvət olunmasını dünən gənclər və idman naziri Azad Rəhimov keçirdiyi mətbuat konfransında açıqlayıb. O, hazırda əcnəbi məşqçi ilə danışıqlar aparıldığını söyləyib.

Mənbə: extratime.az

• “İronman 70.3 Baku” öncəsi “İronkids” və “Fun Run” keçirilib
• “IRONMAN” Azərbaycanda: 10 il əvvəl başlayan yolun tarixi startı
• Dünya Kubokunun Yerli Təşkilat Komitəsinin növbəti iclası keçirilib
• Kembric Universitetinin ekspertləri Azərbaycan İdman Akademiyasında təlimlər keçirəcəklər
• “IRONMAN 70.3”: Bakının bəzi yollarında nəqliyyatın hərəkəti tənzimlənəcək