Taekvondo üzrə kişilərdən ibarət Azərbaycan milli komandası Bakı İdman Sarayında keçirilən komandalararası Dünya Kubokuna məğlubiyyətlə başlayıb. Lent.az-ın məlumatına görə, yığmamız qrupda keçirdiyi ilk görüşündə Rusiyaya uduzub – 2:3.

Millimizin heyətində yer alan 5 taekvondoçudan Samir Aydınovla (54 kq) Rəşad Əhmədov (82 kq) qələbə qazanmağı bacarıblar. Rövşən Məmmədov (63 kq), İlkin Şahbazov (72 kq) və Təvəkkül Bayramov (+82 kq) isə məğlub olublar.

Komandamız iyunun 12-də Braziliya, bundan bir gün sonra isə İtaliya ilə üz-üzə gələcək. Yığmamızın baş məşqçisi Ələkbər İmaməliyev Lent.az-a açıqlamasında xüsusən, İlkin Şahbazov və Təvəkkül Baytamovun Rusiya ilə görüşdə ümidləri doğrultmadığını bildirib. O, ¼ finala vəsiqə qazanmaq üçün qarşıdakı 2 görüşdə mütləq qələbə qazanmalı olduqlarını vurğulayıb.

Qeyd edək ki, Dünya Kubokunun iştirakçıları 6 qrupa bölünüblər. ¼ finala qrup qalibləri ilə yanaşı, ən yaxşı göstəriciyə malik 2 komanda çıxacaq. İyunun 14-də ¼ final, yarımfinal və final görüşləri keçiriləcək.

• “İronman 70.3 Baku” öncəsi “İronkids” və “Fun Run” keçirilib
• “IRONMAN” Azərbaycanda: 10 il əvvəl başlayan yolun tarixi startı
• Dünya Kubokunun Yerli Təşkilat Komitəsinin növbəti iclası keçirilib
• Kembric Universitetinin ekspertləri Azərbaycan İdman Akademiyasında təlimlər keçirəcəklər
• “IRONMAN 70.3”: Bakının bəzi yollarında nəqliyyatın hərəkəti tənzimlənəcək