Polşanın paytaxtı Varşavada sərbəst və qadın güləşi üzrə beynəlxalq turnirlər start götürüb. Azərbaycan Güləş Federasiyasının mətbuat xidmətindən apasport.az saytına verilən məlumata görə, yarışın ilk günündə yığmamız bir medal qazanıb.

Qadın güləşçilərin mübarizə apardığı “Varşava Kuboku” uğrunda turnirdə təmsilçilərimizdən Mariya Stadnik (48 kq) fərqlənib. Pekin Olimpiadasının bürünc mükafatçısı bütün rəqiblərini üstələyərək, qızıl medala layiq görülüb. Milli komandamızın ukraynalı legioneri əvvəlcə Savola Sariaya (Finlandiya), daha sonra Lyudmila Baluşkaya (Ukrayna) qalib gəlib. Finalda isə Stadnik rusiyalı Larisa Orjakı məğlub edərək, fəxri kürsünün ən yüksək pilləsinə qalxıb.

Digər qadın pəhləvanlarımızdan Yuliya Radkeviç (55 kq) 5-ci, Dina İvanova (72 kq) 9-cu, Olesya Zamula isə 14-cü yerlə kifayətlənib. Mübarizəyə qoşulmayan cəmi bir xanım idmançımız - Elvira Mürsəlova (59 kq) qalıb.

Sərbəst güləşçilərin çıxış etdiyi “Ziolkovski” yarışında isə ilk gündə heç bir pəhləvanımız qüvvəsini sınamayıb. Yarışda medal ümidimiz Xaybulla Şaalov (60 kq), Əşrəf Əliyev, Elnur Əliyev (hər ikisi 74 kq), Şərif Şərifov, Novruz Temrezov (84 kq) və Maksim Proxorovdur (120 kq).

• Bakıda keçiriləcək "Alufar IRONMAN 70.3" triatlon yarışı çərçivəsində tədbirlərə start verilib
• Bakıda 18 yaşdan 80 yaşadək triatlonçular mübarizə aparacaq
• Yubiley Formula 1 Azərbaycan Qran-Prisi üçün yeni tribuna quraşdırılıb
• Azərbaycan kikboksçusu 2 il müddətinə diskvalifikasiya olunub
• Kırçın vadisindən “Bişkek Arena”ya: Köçəri irsin dünya səhnəsinə çıxışı – REPORTAJ