Sərbəst güləş üzrə gənclərdən ibarət yığma komandamız bu gün saat 20.00-da İspaniyaya yola düşür. Güləş Federasiyasından apasport.az saytına verilən məlumata görə, komandamız oktyabrın 3-də və 8-də ayrı-ayrılıqda 2 beynəlxalq turnirdə qüvvəsini sınayacaq. Daha sonra İspaniya yığması ilə birgə təlim-məşq toplanışında iştirak edəcək.

Federasiyanın vitse-prezidenti Namiq Abdullayevin rəhbərliyi altında səfər edən komandanı turnirlərə baş məşqçi Arif Abdullayev və məşqçi Namiq Quliyev hazırlayıb.

Toğrul Əsgərov (55 kq), Hacı Əliyev (60 kq), David Suynucxanov (66 kq), Kazım Abbasov (74 kq), Turqay Məmmdov (84 kq), Aslanbek Albarov (96 kq) və Aslan Dzebisovdan (120 kq) ibarət komandamız 10 gün müddətində İspaniyada olacaq və oktyabrın 9-da Vətənə qayıdacaq.

• Azərbaycan kikboksçusu 2 il müddətinə diskvalifikasiya olunub
• Kırçın vadisindən “Bişkek Arena”ya: Köçəri irsin dünya səhnəsinə çıxışı – REPORTAJ
• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb