Oktyabrın 17-də Türkiyənin İstanbul şəhərində atletika üzrə Avro-Asiya marafonu start götürəcək. Azərbaycan Gənclər və İdman Nazirliyinin mətbuat katibi Səmayə Məmmədovanın apasport.az saytına verdiyi məlumata görə, ölkəmiz bu marafonda 5 atletlə təmsil olunacaq. Belə ki, İstanbulda Mare İbrahimova, Layeş Abdullayev, Tilahun Əliyev, Hayle İbrahimov və Gezaşin Səfərova çıxış edəcək. Onlar yarışa məşqçi Sezak Metinin rəhbərliyi altında yollanırlar.

Atletika Federasiyasının vitse-prezidenti Mehdi Nağıyev və milli komandanın baş məşqçisi Məhərrəm Sultanzadə isə Avropa Atletika Assosiasiyasının təqvim konfransı və qitə yığmalarının rəhbərləri, baş məşqçilərinin iclasında iştirak etmək üçün Macarıstanın paytaxtı Budapeştə gediblər.

• Kırçın vadisindən “Bişkek Arena”ya: Köçəri irsin dünya səhnəsinə çıxışı – REPORTAJ
• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb