Beynəlxalq Ağırlıqqaldırma Federasiyasından (IWF) Azərbaycan Ağır Atletika Federasiyasına məktub daxil olub. Bu haqda apasport.az saytına əsas milli komandamızın sabiq baş məşqçisi, hazırda gəncləri çalışdıran Vahid Nəzərov məlumat verib. Onun sözlərinə görə, IWF-in məktubu noyabrın 17-dən 29-dək Koreyanın Qoyanq şəhərində keçiriləcək dünya çempionatındakı hakimliklə əlaqədardır.

“IWF-in prezidenti Tamaş Ayanın imzası ilə göndərilən məktubda mənim gələn ay keçiriləcək dünya çempionatına hakim qismində təyinat almağım bildirilir. Həmin yarışda iştirak edib, ədalət prinsiplərini qoruyacağam. Səfərin xərclərini Azərbaycan Ağır Atletika Federasiyası ilə IWF birgə çəkəcək” - deyə Nəzərov vurğulayıb.

Qeyd edək ki, beynəlxalq hakim dərəcəsinə malik olan Nəzərov indiyədək dünya və Avropa çempionatlarında iş başında olub.

• Kırçın vadisindən “Bişkek Arena”ya: Köçəri irsin dünya səhnəsinə çıxışı – REPORTAJ
• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb