Amerikalı qadın tennisçi Serena Uilyams yeni dünya rekordu müəyyənləşdirib. Apasport.az saytının məlumatına görə, 28 yaşlı idmançı 2009-cu ildə 6,5 milyon ABŞ dolları mükafat qazanıb. Bu göstərici qadın tennisində yeni rekorddur.

Serena gələn il tennisə qayıdacaq həmkarı Jüstin Enenin göstəricisini yaxşılaşdırıb. Belçikalı sabiq “1 nömrə” 2007-ci ildə bir mövsümdə 5,5 milyon dollar qazanmışdı. Serena cari mövsümdə “Böyük dəbilqə”yə daxil olan iki turniri – Avstraliyanın açıq çempionatı və “Uimbldon”u, ötən həftə isə Qətərin paytaxtı Dohada keçirilən beynəlxalq turnirdə qalib olub. O, karyerasında ümumilikdə 28,5 milyon dollara sahib çıxıb. Elə bu da qadın tennisi tarixində rekorddur.

Qeyd edək ki, Serena bu həftə dünya reytinq siyahısında liderliyini qaytarıb.

• Kırçın vadisindən “Bişkek Arena”ya: Köçəri irsin dünya səhnəsinə çıxışı – REPORTAJ
• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb