Noyabrın 5-6-da Gəncədə əməkdar məşqçi, idman ustası İsax Cəfərovun xatirəsinə böyüklər arasında sərbəst güləş üzrə beynəlxalq turnir keçiriləcək. Azərbaycan Güləş Federasiyasının (AGF) İnformasiya və İctimaiyyətlə Əlaqələr Departamentindən apasport.az saytına verilən məlumata görə, hər il keçirilən yarışda əsas məqsəd İsax Cəfərovun xatirəsini yad etmək, qonşu ölkələrlə idman əlaqələrini möhkəmləndirmək və pəhləvanların ustalıq səviyyəsini artırmaqdır.

AGF, qurumun 7 saylı nümayəndəliyi və Gəncə şəhər Gənclər və İdman İdarəsinin təşkilat etdiyi yarış Olimpiya İdman Kompleksində baş tutacaq. Turnirdə Azərbaycan pəhləvanları ilə yanaşı, Gürcüstan və Rusiya (Dağıstan) yığmaları da qüvvəsini sınayacaq. Qaliblər diplomla təltif olunacaq, medal və mükafatlara layiq görüləcək.

Milli komandamızın məşqçilər korpusu qarşıdakı yarışda liderlərə istirahət verəcək və əsasən “ikinci nömrələr”i sınaqdan keçirəcəklər.

• Kırçın vadisindən “Bişkek Arena”ya: Köçəri irsin dünya səhnəsinə çıxışı – REPORTAJ
• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb