Noyabrın 23-də “Beynəlxalq İdman Həyəcanı” proqramının hesabat konfransı keçiriləcək. Azərbaycan Gənclər və İdman Nazirliyinin mətbuat xidmətindən apasport.az saytına verilən məlumata görə, konfrans bir sıra rəsmilərin iştirakı ilə baş tutacaq.

Belə ki, gənclər və idman naziri Azad Rəhimov, təhsil nazirinin müavini Elmar Qasımov və Birləşmiş Krallığın İdman Şurasının icraçı-direktoru Con Stil bir araya gələcəklər. Konfransın keçirilməsində əsas məqsəd “Beynəlxalq İdman Həyəcanı” proqramının Azərbaycanda fəaliyyətə başladığı dövrdən bu sahədə görülən işlər və əldə olunmuş nailiyyətlər haqqında məlumat vermək, müzakirələr aparmaqdır.

Birləşmiş Krallığın İdman Şurasının icraçı-direktoru Con Stil ölkəmizdə olduğu müddətdə Azad Rəhimov, eləcə də Birləşmiş Krallığın Azərbaycandakı səfiri, xanım Karolayn Broun, “British Council”in regional rəhbəri Poul Dabldey, UNICEF-in ölkə rəhbəri Mark Herevard və digər rəsmilərlə görüşlər keçirəcək. Bunda başqa, Stil Bakı Olimpiya Kompleksində idman festivalı və Sumqayıt Paralimpiya Kompleksində təşkil olunacaq yarışları izləyəcək.

• Kırçın vadisindən “Bişkek Arena”ya: Köçəri irsin dünya səhnəsinə çıxışı – REPORTAJ
• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb