Noyabrın 27-də Türkiyənin Bursa şəhərində sərbəst güləş üzrə Avropa klublarının kuboku uğrunda beynəlxalq yarışa start veriləcək. Azərbaycan Güləş Federasiyasının İnformasiya və İctimaiyyətlə Əlaqələr Departamentindən apasport.az saytına verilən məlumata görə, turnirdə 7 ölkənin komandası iştirak edəcək. Avropa klublarının kuboku uğrunda yarışa Azərbaycanla yanaşı, Türkiyə, Rumıniya, Bolqarıstan, Makedoniya, Belarus və Gürcüstandan olan komandalar qatılacaqlar. Ölkəmizin idman şərəfini “Neftçi” İdman-Sağlamlıq Mərkəzi təmsil edəcək. Məşqçilər Namiq Quliyev və Əli Ələkbərovun rəhbərlik etdiyi komandanın heyətində Azər Paşayev (55 kq), Azad İsmayılov (60 kq), İbrahim Muxtarov (66 kq), Əşrəf Əliyev (74 kq), Roman Bəkirov (84 kq), Mehman İmanquliyev (96 kq) və Müslüm Müslümov (120 kq) yer alıb. Turnir üç gün davam edəcək.

• Kırçın vadisindən “Bişkek Arena”ya: Köçəri irsin dünya səhnəsinə çıxışı – REPORTAJ
• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb