“Neftçi” İdman-Sağlamlıq Mərkəzinin komandası Türkiyənin Bursa şəhərində keçirilmiş sərbəst güləş üzrə Avropa klublarının kuboku uğrunda yarışda 3-cü yeri tutub. Bu haqda apasport.az saytına Azərbaycan Güləş Federasiyasının İnformasiya və İctimaiyyətlə Əlaqələr Departamentindən məlumat verilib.

Turnirdə “Neftçi”dən başqa, Türkiyə, Rumıniya, Bolqarıstan, Makedoniya, Belarus və Gürcüstan komandaları iştirak edib. Məşqçilər Namiq Quliyev və Əli Ələkbərovun rəhbərlik etdiyi kollektiv qrup mərhələsində Gürcüstan komandasına 4:3 məğlub olsa da, Belarus təmsilçisinə eyni hesabla qalib gələrək, yarımfinala yüksəlib. Lakin finala gedən yolda “Neftçi” İSM gələcək çempion Türkiyənin “Bursa Böyükşəhər Bələdiyyəsi” klubuna uduzub - 1:6. Bununla da, komandamız bürünc medala layiq görülüb.

Qeyd edək ki, “Neftçi” İSM-in heyətində Azər Paşayev (55 kq), Azad İsmayılov (60 kq), İbrahim Muxtarov (66 kq), Əşrəf Əliyev (74 kq), Roman Bəkirov (84 kq), Mehman İmanquliyev (96 kq) və Müslüm Müslümov (120 kq) yer alıb.

• Kırçın vadisindən “Bişkek Arena”ya: Köçəri irsin dünya səhnəsinə çıxışı – REPORTAJ
• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb