“Sərhədçi” Olimpiya İdman Mərkəzində boks üzrə “AİBA Prezidenti Kuboku” uğrunda yarış start götürüb. Apasport.az saytının məlumatına görə, turnirdə 8 komanda mübarizə aparır. Avropa, Asiya və Amerika iki, Okeaniya və Afrika isə hərəyə bir yığma ilə təmsil olunur. Ümumilikdə isə Bakıya 35 ölkənin 88 boksçusu toplaşıb.

Yarışa qatılan 6 həmyerlimizdən 3-ü - Samir Məmmədov (54 kq), İsmət Eynullayev (60 kq) və Sadiq Eynullayev (64 kq) Avropa-1, digər yarısı Elşən İsmayılov (57 kq), Emil Məhərrəmov (69 kq) və Elçin Əlizadə (+91 kq) isə Avropa-2 komandasının heyətində yer alıb. Boksçularımız startda uğur qazanıblar. Əvvəlcə İsmət Eynullayev Amerika təmsilçisi Luis Evertonu məğlub edib. Daha sonra rinqə çıxan İsmətin qardaşı Sadiq Eynullayev də qələbə sevinci yaşayıb. O, Afrika komandasının üzvü Luis Rixardo Kollinanı döyüb.

Qeyd edək ki, mükafat fondu 50 min ABŞ dolları olan yarış dekabrın 11-də başa çatacaq.

• Kırçın vadisindən “Bişkek Arena”ya: Köçəri irsin dünya səhnəsinə çıxışı – REPORTAJ
• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb