Azərbaycanın daha 3 boksçusu Bakıda 8 komandanın iştirakı ilə keçirilən “AİBA prezidenti kuboku” uğrunda beynəlxalq turnirdə mübarizəyə qoşulub. Apasport.az saytının məlumatına görə, həmyerlilərimizdən ikisi rinqdən qalib ayrılıb.

Elşən İsmayılov (57 kq) ilk döyüşdə Xurşid Todjibayevi (Asiya-1, Özbəkistan), Emil Məhərrəmov (69 kq) isə Asadullo Baymuradovu (Asiya-1, Qırğızıstan) məğlub edib. Təcrübəli boksçumuz, Pekin Yay Olimpiya Oyunlarının iştirakçısı Samir Məmmədov(54 kq) uğursuzlu yaşayıb. O, Orzubek Şaimovla (Asiya-1, Özbəkistan) bacarmayıb.

Xatırladaq ki, yarışın ilk günündə rinqə çıxmış Azərbaycanın 2 idmançısı - İsmət Eynullayev (60 kq) və onun qardaşı Sadiq Eynullayev (64 kq) qələbə qazanmışdı.

Mənbə: AzərTAc

• Azərbaycan velosipedçiləri təlim-məşq toplanışı üçün Türkiyəyə yollanıblar
• Türkiyə millisinin baş məşqçisi Bakıda təlim keçəcək
• Qılıncoynadanlarımız Türkiyədə iki bürünc medal qazanıblar
• Azərbaycan fiqurlu konkisürənləri Bolqarıstanda bürünc medal qazanıblar
• “Azerbaijan Open” beynəlxalq dağ xizəyi turnirinə yekun vurulub - FOTO