Rusiyanın baş naziri Vladimir Putin karatenin kyokşin növündə ən ali dərəcələrdən birinə sahib olacaq. Apasport.az saytının məlumatına görə, sabiq prezident 7-ci dan alacaq. Putinə bu kəməri məşhur yapon karate ustası Xatsuo Royama təqdim edəcək. İlk mütləq dünya çempionatının gümüş mükafatçısı olan Royama 8 il öncə Putinə 5-ci dan təqdim etmişdi.

Təqdimat mərasimi kyokşin üzrə Rusiyanın VI açıq birinciliyi zamanı təşkil olunacaq. Xatsuonun Moskvaya səfəri bu yarışa qatılacaq yaponiyalı yeniyetmələrə dəstək xarakteri də daşıyacaq. Turnirdə rus və yapon karateçiləri ilə yanaşı, Azərbaycan, Belarus, Bolqarıstan və Qazaxıstan təmsilçiləri də iştirak edəcək.

Qeyd edək ki, müəllifi olduğu “Cüdo öyrənirik” kitabını bu ilin yazında Yaponiyada təqdim edən Putin bu işinə, həmçinin iki ölkə arasında münasibətlər və cüdo haqda biliklərinə görə Tokio universitetinin fəxri doktoru adını alıb. Hətta bu kitaba əsasən, film çəkilib ki, orada Putinin fəndləri göstərilib.

• Kırçın vadisindən “Bişkek Arena”ya: Köçəri irsin dünya səhnəsinə çıxışı – REPORTAJ
• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb