Macarıstanlı olimpiya çempionu Peter Farkaşa 7 illik həbs cəzası kəsilib. Apasport.az saytının məlumatına görə, 1992-ci ildə Barselona Olimpiadasının qalibi olmuş güləşçi narkotika alverində günahlandırılır. 41 yaşlı veteran idmançı bir ildən artıqdır gizləndiyi üçün ona qiyabi hökm oxunub.

Peter və onun qardaşı Karolla bağlı cinayət işi hələ 2004-cü ildə açılıb. İstintaq nəticəsində onların Budapeştdə analarının evində marixuana yetişdirmələri aşkarlanıb. Məhkəmə ötən ilin noyabrında qardaşları günahkar sayıb və Peterə 5, Karola isə 7 il iş verib. Hökm oxunmamışdan əvvəl isə qardaşlar məhkəmə zalını tərk edərək, gizləniblər. Karol növbəti gün həbs olunsa da, Peteri indiyədək tutmaq mümkün olmayıb. Onun Tailandda gizləndiyi, saxta sənədlə yaşadığı ehtimal olunur. İndi Peterə 5 yox, qardaşı kimi 7 illik iş verilib.

• Kırçın vadisindən “Bişkek Arena”ya: Köçəri irsin dünya səhnəsinə çıxışı – REPORTAJ
• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb