Azərbaycanın ən titullu güllə atıcısı, Afina Olimpiadasının bürünc mükafatçısı İradə Aşumova növbəti səfərə hazırlaşır. Apasport.az saytının məlumatına görə, həmvətənimiz Almaniyanın Münhen şəhərində keçiriləcək beynəlxalq turnirdə qüvvəsini sınayacaq. Yanvarın 26-da başlanacaq yarışda Aşumova ilə yanaşı, onun oğlu Ruslan Lunyov və bacısı qızı Nigar Bağırova da çıxış edəcək.

Turnir iştirakçıları 10 metrlik məsafədən hədəflərə pnevmatik tapança ilə 2 gün atəş açacaqlar. Münhendəki yarış güllə atıcılarımız üçün 7-14 mart aralığında Norveçin Meraker şəhərində təşkil olunacaq Avropa çempionatına xarakteri daşıyacaq.

Qeyd edək ki, Aşumova və Lunyov ötən həftə Norveçdə “Olden” kuboku (Hell Open) uğrunda turnirə qatılmışdı və hərəyə 2 qızıl, 1 gümüş medal qazanmışdılar.

• Kırçın vadisindən “Bişkek Arena”ya: Köçəri irsin dünya səhnəsinə çıxışı – REPORTAJ
• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb