“Sərhədçi” Olimpiya İdman Mərkəzində boks üzrə Azərbaycan çempionatı start götürüb. Apasport.az saytının məlumatına görə, yarışa respublikamızın 40 şəhərindən 200 idmançı qoşulub. Çempionatın rəsmi açılış mərasimində çıxış edən Boks Federasiyasının birinci vitse-prezidenti Ağacan Abıyev iştirakçılara uğurlar arzulayıb, Azərbaycan boksunun son illər inkişafını diqqətə çatdırıb və idmançılarımızın beynəlxalq yarışlarda qazandığı nailiyyətləri buna misal göstərib.

Abıyev ölkəmizdə beynəlxalq turnirlərin tez-tez keçirilməsini bildirərək, Azərbaycanın son illər dünyada idman ölkəsi kimi tanındığını diqqətə çatdırıb. Ötən ilin dekabrında Bakıda yüksək səviyyədə təşkil olunmuş AİBA Prezidenti Kubokunu xatırladan vitse-prezident bu ilin aprelində gənclər arasında boks üzrə dünya birinciliyinin də Bakıda keçiriləcəyini və bu turnirin Yeniyetmələrin I Olimpiadasına lisenziya xarakteri daşıdığını vurğulayıb. Dövlət himni səsləndirildikdən sonra yarışlar açıq elan olunub.

Mənbə: AzərTaC

• Kırçın vadisindən “Bişkek Arena”ya: Köçəri irsin dünya səhnəsinə çıxışı – REPORTAJ
• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb