Almaniyanın Haydelberq şəhərində keçirilən paralimpiyaçı cüdoçular arasında Almaniyanın açıq çempionatında Azərbaycan yığma komandası uğurla çıxış edib. Milli Paralimpiya Komitəsinin mətbuat xidmətindən Lent.az-a verilən məlumata görə, 10 cüdoçumuzdan 9-u yarışı medalla başa vurub.

Onlardan İlkin Alışov (66 kq) və ikiqat paralimpiya çempionu İlham Zəkiyev (+100 kq) qızıl, Ramin İbrahimov (60 kq), Natiq Novruzzadə (73 kq) və Rövşən Səfərov (81 kq) gümüş, Ramin Əliyev (73 kq), Zakir Mislimov, Tofiq Məmmədov (hər ikisi 90 kq) və Xəyal Qəniyev (100 kq) isə bürünc medal qazanıblar. Digər cüdoçumuz Ceyhun Muradov isə ilk görüşdə ciddi zədə aldığından yarışı davam etdirə bilməyib.

Yığmamız yarışdan sonra Almaniyada qalaraq, fevralın 4-dək beynəlxalq təlim-məşq toplantısına qatılıb.

• Kırçın vadisindən “Bişkek Arena”ya: Köçəri irsin dünya səhnəsinə çıxışı – REPORTAJ
• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb