Dünyanın ən məşhur sumoçularından biri, “Asaseryu” ləqəbli Dolqorsuren Daqvadorj növbəti dəfə qalmaqal salıb. Apasport.az saytının məlumatına görə, 29 yaşlı idmançı Tokioda gecə klublarından birinin yaxınlığında aranı qarışdırıb. O, gecə klubuna rəhbərik edən tanışını döyüb, burnunu sındırmaqla yanaşı, onu ölümlə hədələyib. Yalnız polisin müdaxiləsindən sonra Daqvadorju sakitləşdirmək mümkün olub.

Artıq Yaponiya Sumo Federasiyası araşdırmalara başlayıb. Əgər sumoçunun günahı sübuta yetirilsə, o, diskvalifikasiya ediləcək. Şahidlərin bildirdiyinə görə, Asaseryu ertəsi günü döyüşə çıxmalı olsa da, yüksək ölçüdə alkoqol qəbul edib. Məhz bundan sonra o, tanışını əzişdirməyə girişib.

Qeyd edək ki, peşəkar sumoda ən nüfuzlu mükafatın - “İmperator” kubokunun 25 dəfə qalibi olmuş Daqvadorj bundan öncə də bir neçə dəfə qalmaqal salıb.

• Kırçın vadisindən “Bişkek Arena”ya: Köçəri irsin dünya səhnəsinə çıxışı – REPORTAJ
• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb