“Yunan-Roma güləşi üzrə milli komandanın böyük məşqçisi Otar Tatişvili istefa verməyib. Sadəcə, səhhətində yaranan problem üzündən müvəqqəti olaraq, yığmadan kənardadır”. Bunu apasport.az saytına açıqlamasında Azərbaycan Güləş Federasiyasının İnformasiya və İctimaiyyətlə Əlaqələr Departamentinin rəhbəri Aysel Osmanlı deyib.

Federasiya rəsmisi yunan-Roma güləşi üzrə yığmanın məşqçilər korpusunda dəyişiklik olmadığını bildirib. Aysel Osmanlı vurğulayıb ki, 63 yaşlı gürcüstanlı çalışdırıcı müalicə kursunu bitdikdən sonra fəaliyyətini davam etdirəcək: “Hazırda Tatişvili həkim nəzarəti altındadır. Düzü, müalicə kursunun nə qədər olacağını bilmirəm. Səhhətindəki problem aradan götürüldükdən sonra yığmamızın böyük məşqçisi öz işinə dönəcək”.

Qeyd edək ki, Tatişvili ötən ilin mayında milli komandamızda böyük məşqçi vəzifəsinə təyin olunub.

• Kırçın vadisindən “Bişkek Arena”ya: Köçəri irsin dünya səhnəsinə çıxışı – REPORTAJ
• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb