İstanbulda Yaşar Doğunun xatirəsinə həsr olunmuş sərbəst və qadın güləşi üzrə 38-ci beynəlxalq turnir start götürüb. Apasport.az saytının xəbərinə görə, 24 ölkədən 300-ə yaxın pəhləvanın qatıldığı turnirdə Azərbaycan güləşçiləri də qüvvələrini sınayır. Pəhləvanlarımız turnirin ilk günü 3 qızıl və 1 bürünc medal qazanıblar.

Turnirin ilk günü qadın güləşçilər 48, 59 və 72 kq çəki dərəcələrində mübarizə aparıblar. Qadınların yarışında Danimarkada keçirilən dünya çempionatının gümüş mükafatçısı Sona Əhmədli (59 kq) və Dina İvanova (72 kq) müvafiq olaraq fəxri kürsünün ən yüksək pilləsinə qalxıb. Dünya çempionu Yuliya Radkeviç isə 3-cü yer uğrunda Bolqarıstan idmançısına məğlub olaraq 5-ci yerlə kifayətlənib.

Kişilər arasında 55 və 74 kq çəki dərəcəsində gərgin keçən mübarizədə Mahmud Maqomedov (55 kq) bütün rəqiblərindən üstün olub. 74 kq çəki dərəcəsində təmsilçimiz Çamsulvara Çamsulvarayev isə 3-cü yer uğrunda görüşdə yerli türk pəhləvanına qalib gəlib və bürünc medala sahib olub.

• Kırçın vadisindən “Bişkek Arena”ya: Köçəri irsin dünya səhnəsinə çıxışı – REPORTAJ
• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb