Kanadanın Vankuver şəhərində keçirilən 2010-cu il Qış Olimpiya Oyunlarında ilk rekord qeydə alınıb. Apasport.az saytının məlumatına görə, qadın hokkeyçilər arasında baş tutan Kanada - Slovakiya qarşılaşması tarixə düşüb. Bu görüşdə meydan sahibləri Slovakiya yığmasının qapısından 18 cavabsız şayba keçiriblər.

Slovakiyalılar dünya reytinqində 15-ci pillədə qərarlaşsalar da, Qış Olimpiadası onlar üçün ilk mötəbər turnir olub. Buna görə də Avropa təmsilçiləri adlı-sanlı rəqiblərinə müqavimət göstərə bilməyiblər.

Qeyd edək ki, bundan öncəki rekord da kanadalılara məxsus idi. Onlar 4 il öncə Turin Qış Olimpiya Oyunlarında İtaliya komandasına 16:0 hesabı ilə qalib gəlmişdilər.

• Kırçın vadisindən “Bişkek Arena”ya: Köçəri irsin dünya səhnəsinə çıxışı – REPORTAJ
• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb