Biatlon üzrə qadınlar arasında ikiqat olimpiya çempionu Maqdalena Noyner Vankuver Qış Olimpiya Oyunlarında antidopinq xidmətinin fəaliyyətindən narazı qalıb. Lent.az-ın məlumatına görə, almaniyalı idmançı “Bild” jurnalına açıqlamasında dopinq-test zamanı kobud münasibətlə üzləşdiklərini bildirib.

Noynerin fikrincə, belə münasibət bütün əhval-ruhiyyəni pozur: “Finişdən sonra bizimlə şaqqalanmağa gedən donuzlardan betər rəftar edirdilər. Bu, zorakılığa yaxındır. Belə münasibət həqiqətən də bütün əhvalımızı pozur. Finişdən sonra sənin ardınca 5 nəfər qışqıra-qışqıra gəlir. Belə şəraitdə hətta olimpiya “qızıl”ı qazanmağından zövq ala bilmirsən. Ümumiyyətlə, onlar idmançılara hörmət də etmirlər. Bu, yaxşı hal deyil”.

Qeyd edək ki, hələlik Beynəlxalq Olimpiya Komitəsi Vankuver olimpiadasında dopinq qəbulu faktı aşkarlamayıb.

• Kırçın vadisindən “Bişkek Arena”ya: Köçəri irsin dünya səhnəsinə çıxışı – REPORTAJ
• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb