Kanadanın Vankuver şəhərində keçirilən XXI Qış Olimpiya Oyunlarında azərbaycanlı idmançının ilk çıxışı uğursuz olub. Apasport.az saytının məlumatına görə, əslən isveçrəli olan Cedrik Nots dağ xizəyi idmanının nəhəng slalom yarışlarını 72-ci pillədə başa vurub. 36 yaşlı idmançı 102 nəfərin qatıldığı birinci cəhddə məsafəni 1 dəqiqə 30,78 saniyəyə qət edib. Liderdən 13,51 saniyə geri qalan Cedrik finiş xəttinə çatan 89 xizəkçi arasında 79-cu olub.

İkinci yürüş zamanı təmsilçimiz ümumi nəticəsini yaxşılaşdıra bilib. Sonda 3 dəqiqə 5,98 saniyə nəticə göstərən Nots yarışı bitirməyə nail olan 81 idmançı arasında 72-ci olub. O, 9 nəfəri - Seneqal, Mərakeş, Çin, Qırğızıstan, Özbəkistan, Meksika, Pakistan, San-Marino və Hindistan təmsilçisini qabaqlayıb. Nots qalibdən 28,15 saniyə geri qalıb. Bu növdə qızıl medalları təmsilçimizin həmvətəni Karlo Yanka tutub. O, məsafəni iki dəfə qət etməyə 2 dəqiqə 37:83 saniyə vaxt sərf edib.

Qeyd edək ki, fevralın 27-də slalom yarışlarında da qüvvəsini sınayacaq.

• Kırçın vadisindən “Bişkek Arena”ya: Köçəri irsin dünya səhnəsinə çıxışı – REPORTAJ
• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb