Cüdoçu qadınlardan ibarət Azərbaycan yığması növbəti səfərə hazırlaşır. Apasport.az saytının məlumatına görə, millimiz martın 10-da Türkiyəyə yollanacaq.

Maraqlıdır ki, yığma komandamızın heyətinə cəmi iki cüdoçu - Kifayət Qasımova (57 kq) və Ramilə Yusubova (63 kq) cəlb olunublar. Avropa çempionlarımıza məşqçi İbadulla Şabanov rəhbərlik edəcək. Təlim-məşq toplanışında cüdoçularımız Türkiyə, Rumıniya, Bolqarıstandan olan həmkarları ilə hazırlaşacaqlar. Hazırlıq 12 gün davam edəcəyindən, qızlarımız Novruz bayramını ailələrindən ayrı keçirəcəklər.

Qeyd edək ki, Kifayət Qasımova ötənilki dünya çempionatından sonra ilk dəfə ciddi toplanışa qatılacaq. Hollandiyada keçirilən mundialda zədələnib əməliyyat olunan Qasımova ondan bəri yalnız fərdi məşqlərlə kifayətlənirdi. Ramilə Yusubova Kifayətlə müqayisədə təcrübəsizdir. O, cari ildən böyüklər arasında yarışmağa başlayıb.

• Kırçın vadisindən “Bişkek Arena”ya: Köçəri irsin dünya səhnəsinə çıxışı – REPORTAJ
• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb