Macarıstanın Sombateli şəhərində yunan-Roma güləşi üzrə "Qızıl Qran-pri" turnirinin I mərhələsi start götürüb. Lent.az-ın Macarıstan Güləş Federasiyasının rəsmi saytına istinadən verdiyi məlumata görə, yarışın ilk günündə Azərbaycanı təmsil edən Həsən Əliyev qızıl medal qazanıb.

60 kq çəki dərəcəsində çıxış edən pəhləvanımız finalda Almat Kebispayevi (Qazaxıstan) məğlub edib. Həsən Əliyevə qızıl medalla yanaşı, 1500 dollar pul mükafatı verilib. Bu çəkidəki digər təmsilçimiz Vitali Rəhimov, eləcə də Rafiq Hüseynov (74 kq) və Şalva Qadabadze (84 kq) mükafatçılar sırasına düşə bilməyib.

Martın 7-də daha 3 güləşçimiz - Orxan Əhmədov, Rövşən Bayramov (hər ikisi 55 kq) və Fərid Mansurov (66 kq) mübarizəyə qoşulacaqlar.

• Kırçın vadisindən “Bişkek Arena”ya: Köçəri irsin dünya səhnəsinə çıxışı – REPORTAJ
• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb