“Bizim hədəfimiz dünya boksunda ilk “5-liy”ə düşməkdir”. Apasport.az saytının məlumatına görə, bu sözləri Azərbaycan Boks Federasiyasının prezidenti Kəmaləddin Heydərov deyib.

Federasiya rəhbəri Azərbaycan boksunun tezliklə öz layiqli yerini tutacağına əmin olduğunu bildirib: “İnanıram ki, idmançılarımız onlar üçün yaradılan şəraitdən istifadə edərək, boksumuzu yüksək pillələrə doğru daşıyacaqlar. Buna 2010-cu ildə olmasa da, yaxın illərdə nail olacağıq. AIBA-nın dəstəyi ilə boks liqasına dair müqavilə bağlamışıq. Bu da boksun inkişafına dəstək olacaq. Sizləri əmin etmək istərdim ki, tezliklə Azərbaycan boksu AIBA-da layiqli yerini tutacaq”.

Heydərov, həmçinin vurğulayıb ki, qarşıdakı illərdə ölkəmizdə daha mötəbər turnirlər təşkil olunacaq: “Həqiqətən də ölkəmizdə bunun üçün bütün şərait var. Hazırda federasiyanın ofisi inşa olunur. Gənclərin dünya çempionatından sonra ölkəmizdə daha mötəbər yarışların təşkil edilməsinə şərait yaradılacaq”.

• Kırçın vadisindən “Bişkek Arena”ya: Köçəri irsin dünya səhnəsinə çıxışı – REPORTAJ
• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb