Ukrayna milli komandasının məşqçilər heyəti erməni əsilli sərbəst güləşçi Nikolay Ayvazyanı Bakıda keçiriləcək Avropa çempionatına gətirmək istəmir. Lent.az-ın məlumatına görə, bu haqda yığmanın məşqçisi Yuri Burakov “SPORTqlavred”ə açıqlama verib.

Burakovun fikrincə, 55 kq çəki dərəcəsində çıxış edən Ayvazyan İvan Yarıginin xatirəsinə “Qızıl Qran-pri” turnirində və Dünya Kubokunda uğursuzluğa düçar olsa da, Kiyevdə keçirilmiş beynəlxalq turnirin qalibi olub. Lakin millinin heyəti müəyyənləşdirilərkən, milli bağlılıq öz rolunu oynaya bilər: “İş ondadır ki, Ayvazyan əslən ermənidir. Ermənistan və Azərbaycan xalqlarının münasibətləri hamıya məlumdur. Ayvazyanın qarşısına psixoloji xarakterli vəzifə qoymamaq üçün onu Ukraynada saxlaya bilərlər. Əvəzində bu çəkidə Yuri Ledenyovu sınamaq olar”.

Qeyd edək ki, sərbəst, yunan-Roma və qadın güləşi üzrə Avropa çempionatı 13 – 18 apreldə Heydər Əliyev adına İdman-Konsert Kompleksində keçiriləcək.

• Kırçın vadisindən “Bişkek Arena”ya: Köçəri irsin dünya səhnəsinə çıxışı – REPORTAJ
• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb