Boks üzrə Azərbaycan yığma komandasının baş məşqçisi Xesus Yu Qazaxıstanın paytaxtı Astanada keçirilən beynəlxalq turnirdə hakimlikdən narazı qalıb. Apasport.az saytının məlumatına görə, kubalı mütəxəssis yetirmələrinin Özbəkistan yığmasına 4:7 hesabı ilə uduzduğu ilk görüşdə nəticəni qanunauyğun saymır.

Yu Qazaxıstan mətbuatına açıqlamasında ilk döyüşdə onlara qarşı hakim qərəzi olduğunu bəyan edib: “4:7 hesablı məğlubiyyətimiz obyektiv nəticə deyildi. Bəzi döyüşlərdə hesab başqa cür olmalı idi. Astanaya gətirdiyimiz heyət 3-4 boksçunu çıxmaq şərti ilə əsasən gənclərdən təşkil olunub. İndi biz kollektivin yeniləşməsi ilə məşğuluq. Artıq komandada Azərbaycanda gənclər arasında keçiriləcək dünya çempionatında çıxış edəcək boksçu yoxdur”.

Qeyd edək ki, dünən startı verilən turnirin 4 iştirakçısı var. Bunlar Azərbaycan və Özbəkistanla yanaşı, təşkilatçılar və Ukrayna yığmasıdır.

• Kırçın vadisindən “Bişkek Arena”ya: Köçəri irsin dünya səhnəsinə çıxışı – REPORTAJ
• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb