Ermənistanın yunan-Roma güləşi üzrə milli komandası aprelin 13-də Bakıda start götürəcək Avropa çempionatına qatılmayacaq. Lent.az-ın məlumatına görə, bu haqda “armsport.am”a yığmanın baş məşqçisi Levon Culfalakyan açıqlama verib.

Culfalakyan bu qərarın Ermənistan Milli Olimpiya Komitəsi tərəfindən qəbul olunduğunu bildirib. Səbəb kimi 6 – 12 sentyabrda Rusiyanın paytaxtı Moskvada keçiriləcək dünya çempionatına daha yaxşı hazırlaşmaq istəyi göstərilib: “Hazırda biz İrəvanda təlim-məşq toplantısındayıq. Hazırlıq prosesi martın 30-da yekunlaşacaq. Daha bir toplanışımız 31 mart – 14 apreldə olacaq”.

Qeyd edək ki, Azərbaycanın yunan-Roma güləşi üzrə yığma komandası da 13-14 fevralda İrəvanda keçirilmiş Dünya Kubokuna qatılmaqdan imtina etmişdi. Azərbaycan Güləş Federasiyası səbəb kimi Bakıda təşkil olunacaq Avropa çempionatına xüsusi proqramla hazırlaşmalarını göstərmişdi.

• Kırçın vadisindən “Bişkek Arena”ya: Köçəri irsin dünya səhnəsinə çıxışı – REPORTAJ
• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb