Stolüstü tennis növündə dünyanın ən bahalı transferi gerçəkləşib. Apasport.az saytının məlumatına görə, Çinin “Şanxi” klubu adıçəkilən ölkənin nümayəndəsi, dünya reytinq sıralamasında 4-cü yerdə qərarlaşan Quo Yanı icarəyə götürmək üçün rekord məbləğdə pul xərcləyib.

Belə ki, Yanın 2 illik icarə haqqı 11,33 milyon yuan (təxminən 1,3 milyon manat) olub. Bu məbləğin 1,2 milyonu idmançının özünə, 3,25 milyonu onun keçmiş klubu “Pekin”ə, 6,8 milyonu isə Çin Stolüstü Tennis Federasiyasına çatacaq.

Çində basketbol və futbol yarışları son vaxtlar populyarlaşsa da, ölkədə ən sevimli idman növü stolüstü tennisdir. 26 yaşlı Quo Yan 2005-ci ildə dünya çempionatında gümüş medal qazanıb.

Qeyd edək ki, bundan öncə stolüstü tennisdə rekord transfer məbləği digər çinli Ma Linə aid idi. Kişilər arasında olimpiya çempionu olmuş Lin 4 il öncə 5 milyon yuan müqabilində “Şanxi”yə keçmişdi.

• Kırçın vadisindən “Bişkek Arena”ya: Köçəri irsin dünya səhnəsinə çıxışı – REPORTAJ
• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb