Bu gün Azərbaycan Otüstü Hokkey Federasiyasının kuboku uğrunda yarış start götürüb. Apasport.az saytının məlumatına görə, ilk dəfə təşkil olunan yarışda ölkə çempionatının güclülər dəstəsində mübarizə aparan kişilərdən ibarət 4 klub mübarizəyə qoşulub. Yarışın ilk günündə yarımfinal görüşləri baş tutub ki, “Akkord” (Bakı) “Gənclik” (Sumqayıt) üzərində 7:1, “Atasport” (Bakı) isə “Şahdağ”la (Qusar) matçda 3:0 hesabı ilə qalib gəliblər.

Kubok yarışına martın 25-də yekun vurulacaq. Yarımfinalda məğlub olanlar – “Şahdağ” və “Gənclik” həmin gün 12:00-da başlayacaq 3-cü yer uğrunda görüşdə, qaliblər isə finalda üz-üzə gələcəklər. Həlledici görüşdə paytaxt təmsilçiləri - “Akkord” və “Atasport” üz-üzə gələcək. Yarımfinal oyunları kimi həlledici qarşılaşmalar da Azərbaycan Otüstü Hokkey Kompleksində keçiriləcək.

• Kırçın vadisindən “Bişkek Arena”ya: Köçəri irsin dünya səhnəsinə çıxışı – REPORTAJ
• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb