ABŞ milli komandası dünya çempionatının final mərhələsinin keçirildiyi CAR-da problemə üzləşib. Apasport.az saytının məlumatına görə, yerli fillər amerikalıları təngə gətirib. Bu heyvanlar İngiltərə yığması ilə oyuna hazırlaşan Bob Bredlinin yetirmələri üçün az qala kabusa çevrilib.

Qarşılaşmadan bir gün əvvəlki məşqə yollanan ABŞ futbolçularının avtobusunun qabağını şlaqbaum kimi kəsən fil onların yubanmasına səbəb olub. Ağacdan yarpaq qırıb yeyən heyvana görə yolun ortasında dayanan avtobusdakılar qısa müddət ərzində afrikalının qidalanmasını seyr ediblər. Yalnız doyduqdan sonra fil qonaqlara yol verib. Bu nəhəngin amerikalılarla ikinci görüşü olub.

Belə ki, bu hadisədən bir neçə saat əvvəl 10 futbolçunu otelə aparan avtobusun da yolunu məhz fil kəsmişdi. Həmin heyvanın qonaqlara hörmət etmədiyini görən oyunçular qaldıqları yerə piyada getməyə məcbur olmuşdular.

• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb
• Formula 1-lə bağlı viza proseduru sadələşdirilir - SƏRƏNCAM