Dünya çempionatının final mərhələsinin ilk turunda Argentina ilə qarşılaşacaq Nigeriya yığması mundiala sensasiya ilə başlamaq niyyətindədir. Apasport.az saytının məlumatına görə, afrikalıların isveçli baş məşqçisi Lars Laqerbek ikiqat dünya çempionlarına təslim olmayacaqlarını bildirib: “Mən əminəm ki, biz çox yüksək səviyyədə oynamağa hazırıq. Əlbəttə ki, Argentina favoritdir. Amma təslim olmaq fikrimiz yoxdur. Oyunumuzu müdafiədən hücuma və əksinə sürətlə keçmək üzərində quracağıq”.

Azərbaycan milli komandasının baş məşqçisi Berti Foqtsun da vaxtilə rəhbərlik etdiyi “Super qartallar”ın çalışdırıcısı 2009-cu ilin ən yaxşı futbolçusu Lionel Messinin əks düşərgədə olmasından da çəkinmir: “Messi? Biz ona qarşı yox, Argentina ilə oynayırıq. Messiyə qarşı fərdi oynamaq faydasızdır”.

Qeyd edək ki, Argentina – Nigeriya oyunu bu gün Bakı vaxtı ilə saat 19:00-da başlayacaq.

• Təmsilçimiz Andorradakı beynəlxalq turnirdə uğurlu çıxış edib
• Azərbaycan velosipedçiləri təlim-məşq toplanışı üçün Türkiyəyə yollanıblar
• Türkiyə millisinin baş məşqçisi Bakıda təlim keçəcək
• Qılıncoynadanlarımız Türkiyədə iki bürünc medal qazanıblar
• Azərbaycan fiqurlu konkisürənləri Bolqarıstanda bürünc medal qazanıblar