Dünya çempionatının keçirildiyi Cənubi Afrika Respublikasında növbəti qarət hadisəsi qeydə alınıb. Apasport.az saytının məlumatına görə, “qara qitədə” bu dəfə oğrular “Roma” klubunun və Argentina millisinin sabiq hücumçusu Qabriel Batistutanı hədəf seçiblər.

Belə ki, veteran futbolçunun Yohannesburq şəhərində qaldığı oteldə hər şeyi oğurlanıb. “Çağırılmamış qonaqlar” Batistutanın otağından kredit kartını, bütün əşyalarını və böyük məbləğdə pulunun götürərək aradan çıxmağa müvəffəq olublar. Məşhur futbolçu həmin vaxt barda olduğunu deyib: “Mən bara getmişdim. Orada istirahətim cəmi 2 saat çəkdi. Geriyə qayıdanda isə otağımda heç nə qalmamışdı. Amma mən elə bilirdim ki, bizim otel ən yüksək səviyyədə qorunur”.

Qeyd edək ki, FİFA prezidenti Yozef Blatter də argentinalı futbolçunun qaldığı oteldə məskən salıb.

• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb
• Formula 1-lə bağlı viza proseduru sadələşdirilir - SƏRƏNCAM