Sloveniyanın Selje şəhərində təşkil edilən cüdo üzrə Avropa Kubokuna yekun vurulub. Apasport.az saytının məlumatına görə, yarışda 8 cüdoçu ilə qüvvəsini sınayan Azərbaycan yığmasının qazancı 2 medal olub.

Komandamızın heyətində Ermənistanda gənclərin Avropa çempionatında bayrağımızı dalğalandıran İlqar Müşkiyev (60 kq) və Elmar Qasımov (100 kq) Seljedə də fəxri kürsüyə yüksəliblər. Belə ki, bütün rəqiblərinə qalib gələn Müşkiyev qitə birinciliyinin gümüşünü Avropa Kubokunun qızılına dəyişib. Qasımov isə bürünc medalla kifayətlənib.

Qeyd edək ki, digər cüdoçularımız - Rasim Əsədullayev (60 kq), Ramil Qasımov (66 kq), Nadir Babayev (73 kq), Ramin Qurbanov (81 kq), Ramiq Məmmədov (90 kq) və Emil Tahirov (+100 kq) məğlubiyyətlə üzləşiblər.

• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb
• Formula 1-lə bağlı viza proseduru sadələşdirilir - SƏRƏNCAM