“Komandamıza təzyiq böyük idi. Çünki hamı bizdən yalnız qələbə gözləyirdi”. Apasport.az saytının məlumatına görə, bu sözləri Almaniya milli komandasının baş məşqçisi Yoahim Löv deyib.

Dünya çempionatının final mərhələsinin III turunda Qananı məğlub etməklə 1/8 finala vəsiqə qazanan Bundestimin çalışdırıcısı minimal hesablı qələbənin oyuna görə olmadığını açıqlayıb. Lövün fikrincə, komandası daha çox qol vura bilərdi: “Oyun çox gərgin alındı. Biz yaratdığımız qol imkanlarından istifadə etməli idik. Lakin biz heç də həmişə rəqibin cərimə meydanında dəqiq hərəkət etmirdik. Hücumun son mərhələsində konsentrasiyamız çatmırdı. Sevinirik ki, müsbət nəticə əldə edə bildik. İngiltərə ilə 1/8 finaldakı qarşılaşmasına gəlincə, görüş ərəfəsində indidən böyük ajiotaj var”.

Qeyd edək ki, Qananı 1:0 hesabı ilə məğlub edən Almaniya yığması 1/8 final mərhələsinin iyunun 27-də keçiriləcək matçında İngiltərə ilə görüşəcək.

• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb
• Formula 1-lə bağlı viza proseduru sadələşdirilir - SƏRƏNCAM