İyunun 26-da Rusiyada atletika üzrə “Znamenski qardaşları memorialı” adlı beynəlxalq turnirə start veriləcək. Apasport.az saytının məlumatına görə, Jukovski şəhərinin “Meteor” stadionunda keçiriləcək turnirdə 100 m məsafəyə qaçışda Azərbaycanın ən güclü atleti Ramil Quliyev də qüvvəsini sınayacaq.

Onunla yanaşı, bu növdə dünyanın tanınmış sprinterləri Andrey Yepişin (Rusiya), Mayk Rocers (ABŞ), Maykl Freyter və Stiv Mallinqs (Yamayka) iştirak edəcəklər. Mükafat fondu 200 min ABŞ dolları olan yarışda planetin 20 ölkəsindən 200-dən çox idmançı mübarizə aparacaq.

Bu ildən Beynəlxalq Atletika Federasiyaları Assosiasiyasının (IAAF) təqviminə salınan “Znamenski qardaşları memorialı” turniri “World Challenge Meetings” yarışlarının bir mərhələsidir.

• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb
• Formula 1-lə bağlı viza proseduru sadələşdirilir - SƏRƏNCAM