İspaniyanın Barselona şəhərində start götürən atletika üzrə Avropa çempionatı Azərbaycan idmançıları üçün uğursuz başlayıb. Apasport.az saytının məlumatına görə, qitə birinciliyinin ilk günündə çəkicatma yarışlarında qüvvəsini sınayan Dmitri Marşin mükafatçılar sırasına düşə bilməyib.

Belaruslu legionerimizin 3 cəhddə ən yaxşı göstəricisi 72.43 metr olub ki, bu da 17-ci yeri tutması ilə nəticələnib.

İspaniyada 5 milliləşdirilmiş legionerlə iştirak edən Azərbaycan yığmasının heyətində Hayle İbrahimov, Telahun Əliyev, Layeş Abdullayeva və Gezaşin Səfərova qarşıdakı günlərdə finiş xəttinə çıxacaqlar. Təmsilçilərimiz uzun məsafələrə qaçışda qüvvəsini sınayacaqlar.

Qeyd edək ki, avqustun 1-də yekun vurulacaq Avropa çempionatında 50 ölkədən 1500-dən artıq atlet mübarizə aparır.

• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb
• Formula 1-lə bağlı viza proseduru sadələşdirilir - SƏRƏNCAM