Bir qədər əvvəl bolqarıstanlı sabiq dünya çempionu Veselin Topalovun 8 şahmatçının iştirakı ilə dünya şahmat tacı uğrunda Kazanda (Rusiya) keçiriləcək iddiaçıların yarışında iştirakdan imtina etdiyi xəbəri yayılmışdı. Bu məlumat isə Beynəlxalq Şahmat Federasiyası (FİDE) həmin turnirə ev sahibliyi etmək hüququnu Bakıdan alıb Kazana verəndən sonra ortaya çıxmışdı.

Apasport.az saytının xəbərinə görə, guya ki, Bakıya üstünlük verən Topalov Rusiyada oynamaq istəməyib. Lakin bolqar şahmatçının şəxsi meneceri Silvio Danilov həmin məsələyə aydınlıq gətirib onların düzgün başa düşülmədiyini bildirib: "Topalov Rusiyada oynamaqdan imtina etməyib. O sadəcə, Rusiyada bu ölkənin təmsilçiləri ilə hansısa bir titul uğrunda oynamaqdan boyun qaçırıb. Topalov Rusiyada keçiriləcək namizədlərin turnirində, eləcə də sentyabrda Xanti-Mansiyskdə təşkil ediləcək Ümumdünya Şahmat Olimpiadasında iştirak edəcək. Sabiq dünya çempionu Olimpiadada Bolqarıstan yığmasının heyətində 1-ci lövhədə oturacaq".

• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb
• Formula 1-lə bağlı viza proseduru sadələşdirilir - SƏRƏNCAM