Yeniyetmələrin I Sinqapur Yay Olimpiya Oyunlarında Olimpiya kəndinin rəsmi açılış mərasimi keçirilib. Apasport.az saytının məlumatına görə, 205 ölkədən 3600 idmançının mübarizə aparacağı Olimpiadanın açılış mərasiminə rəsmi şəxslər də qatılıb.

26 növ üzrə keçiriləcək Olimpiya Oyunlarında Azərbaycan yığması 8 növdə 12 idmançı ilə təmsil olunacaq. Sinqapura sabah yola düşəcək komandamız boks (Salman Əlizadə, 48 kq, Şaban Şahpələngov, 51 kq, Elvin İsayev, 57 kq), cüdo (Cəlil Cəlilov, 66 kq), taekvondo (Səbuhi İsmayılzadə, 73 kq), yunan-Roma güləşi (Murad Bazarov, 42 kq), Elman Muxtarov, 50 kq), sərbəst güləş (Kənan Quliyev, 54 kq), Əli Maqomedabirov, 100 kq), qadın güləşi (Patimat Baqometova, 52 kq), ağırlıqqaldırma (Nicat Rəhimov, 69 kq) və kanoe (Radoslav Kutsev) növündə qüvvəsini sınayacaq.

Qeyd edək ki, Sinqapur-2010-un rəsmi bağlanış mərasimi avqustun 26-da olacaq.

• Təmsilçimiz Andorradakı beynəlxalq turnirdə uğurlu çıxış edib
• Azərbaycan velosipedçiləri təlim-məşq toplanışı üçün Türkiyəyə yollanıblar
• Türkiyə millisinin baş məşqçisi Bakıda təlim keçəcək
• Qılıncoynadanlarımız Türkiyədə iki bürünc medal qazanıblar
• Azərbaycan fiqurlu konkisürənləri Bolqarıstanda bürünc medal qazanıblar